Мадона итно била примена во болница поради инфекција.
Менаџерот и продуцент на Мадона, Гај Озири, на Инстаграм објави дека поп-ѕвездата моментално е на интензивна нега.
Тој напиша дека развила сериозна бактериска инфекција поради што морала да биде задржана во болница.
-Нејзината здравствена состојба се подобрува, но засега останува на интензивна нега. Се очекува целосно да закрепне, напиша менаџерот и појасни дека веројатно ќе бидат поместени некои датуми од закажаната светска турнеја.