Реткото мени од Титаник со списокот на јадења сервирани пред самото потонување на бродот, би можело на аукцијата кон крајот на септември да достигне цена до 70.000 долари.
Менито го преживеало потонувањето на бродот во џебот на богат патник кој се спасил.
Менито, отпечатено е на жолта хартија и нуди стек на скара, пилешко „a la Maryland“ и филети ромб. Датумот е од 14 април 1912 година, денот кога славниот патнички брод удри во санта мраз и потона на пат отод Саутемптон за Њујорк.
Менито на копното стигна со патникот од првата класа Абрахам Линколн Саломон, кој ја преживеал трагедијата во контроверзниот чамец за спасување „Бр1“ познат како „чамец за пари“. На чамецот се спуштиле само 12 лица, богаташи и покрај тоа што неговиот капацитет изнесувал 40 лица.
Аукцијата ќе се одржи на 30 септември.