Нашата претставничка на Евросонг, Тамара, ја изгуби водечката позиција добиена од поените на стручното жири на земјите учеснички во моментот кога се распоредија и гласовите од телевотингот. Од жири комисииите Тамара доби 237 поени и беше на втората позиција зад Шведска, но од телевотингот доби само 58 гласа поради што падна на осмата позиција. Од листата се гледа дека од телевотингот има поени само од 11 земји, од кои само од Србија и Словенија по 12 поени, од Хрватска 7 и од Албанија 6 поени.
Србија дала за Тамара по 12 поени и од телевотингот и од жири комисијата. 12 поени од стручното жири Македонија доби и од Швајцарија, Албанија, Австрија, Молдавија, Велика Британија. Словенечкото стручно жири на Тамара и даде само 2 поени, а грчкото жири само еден поен.
