Јапонка била уапсена откако стискала лепиња во продавница, а потоа решила да не ја купи и си заминала, јавува Би-би-си.
Полицијата во градот Фукуока потврди дека 40-годишна жена е уапсена поради нанесување штета. Станува збор за невработена личност, која тврдела дека „само ја проверувала мекоста на лепињата со лесно притискање со раката“.
Според извештаите, таа допирала пакување во која имало четири лепињи со црн сусам и со крем сирење. Иако амбалажата била недопрена, полицијата соопшти дека една лепиња била оштетена поради притисок од десниот палец, поради што не можело да се продаде целото пакување.
Сопственикот на продавницата тврди дека во минатото неколку пати ја видел жената како ги стиска лепчињата. Кога таа излегувала од продавницата забележал дека лепињата е оштетена и побарал од жената да плати за тоа. Цената на пакувањето е 1,20 долари.
Откако жената одбила да ги плати лепчињата, менаџерот ја задржал додека не дошла полицијата која ја уапсила.