Американскиот актер Итан Хоук смета дека најпознатите филмски награди „Оскар“ се „деструктивни“ и се наградени голем број глупави и просечни филмови.
– Луѓето во оваа земја сакаат се да претворат во натпреварување. Сакаат да ги објавуваат заработките на филмовите бидејќи то а е начин да се каже кој е најдобар. Тоа е толку глупаво, смета актерот во интервју за магазинот „Готам“.
Видете колку само глупави и целосно заборавени филмови добиле Оскар, колку медиокритети имаат статуетки на своите камини. Давањето приоритет на парите и сомнителните признанија според мене е многу деструктивно, истакна Хоук.