Арина Алијева влезе во финалето за изборот на виртуелен Мис Казахстан за 2016 година и можеби ќе победеше, меѓутоа таа е дисквалификувана бидејќи било утврдено оти е машко.
Манекенот Ели Диагхилев (22) сакал на своите пријатели, но и на светот, да им покаже дека таквите натпреварувања се бесмислени и дека машките може да лажираат дека се мисици, благодарејќи на триковите со кои се служат Инстаграм убавиците.
Ели се нашминкал, употребил малку Фотошоп и ја создал Арина Алијева.
Тој добил голем број на лајкови и позитивни коментари на социјалните мрежи со пријавата за виртуелна Мис Казахстан, а откако се појавил на листата на финалисти, како првопласиран, го открил својот вистински идентитет.