Евровизија 2023 нема да се одржи во Украина, Велика Британија може да биде домаќин

Од:

Организаторот на Евровизија денеска најави дека ќе започне разговори со Би-Би-Си за можното одржување на настанот следната година во Велика Британија, откако заклучиле дека не може да се одржи во Украина.

dobivaj vesti na viber

Настанот традиционално го организира победникот на претходно одржаниот натпревар.

Минатиот месец украинскиот бенд Калушки оркестар победи на натпреварот, оставајќи ја Британија на второто место, благодарение на големиот број гласови од гледачите.

Украинскиот јавен радиодифузер претходно го организираше настанот двапати во 2005 и 2017 година. Европската радиодифузна унија (ЕБУ) соопшти дека спровела „целосна проценка и физибилити студија“ за можноста тоа да се повтори.

Во соопштението се наведува дека натпреварот е една од најкомплексните телевизиски продукции во светот и дека се потребни 12 месеци за да се подготви.

Управниот одбор на натпреварот „со длабоко жалење заклучи дека украинскиот радиодифузер, со оглед на сегашните околности, не може да ги исполни безбедносните и оперативните гаранции потребни на радиодифузерот за да биде домаќин, да го организира и продуцира Изборот за песна на Евровизија во согласност со правилата на настанот“.

„Нашата целосна намера е победата на Украина да се одрази во емисиите следната година. Ова ќе биде приоритет во нашите разговори со евентуалните домаќини“, соопшти ЕБУ.

Би-Би-Си во соопштението наведе дека „ова не е сплет на околности што некој би ги посакал“, туку дека по одлуката на ЕБУ ќе разговараат за тоа кој ќе биде домаќин на Евровизија.

Портпаролот на британскиот премиер Џејми Дејвис изјави дека победата на Украина на Евровизија е заслужена и дека Велика Британија се надева дека следната година ќе се одржи во земјата победничка.

Тој рече дека ако тоа се покаже невозможно ќе ја поздрави можноста за тесна соработка со Украина и Би-Би-Си за домаќин на настанот да биде Велика Британија и дека Лондон ќе се погрижи настанот да ја одразува „богатата култура, наследство и креативност на Украина“.

Извор: МИА

Би можело да ве интересира

„Крвави пакети“ пристигнаа во украинските амбасади во ЕУ: Киев бара итно објаснување, службениците во паника

А1он

Русија и Украина ќе разменат по 60 заробени војници

А1он

Лондон и Вашингтон ја реафирмираат поддршката за Украина

А1он

На Западот ќе му требаат до 15 години да ги надополни залихите на артилериска муниција потрошени за војната во Украина

А1он

ВИДЕО: Над 100 ракети се упатуваат кон Украина, прекин на струја и во Молдавија

А1он

Германија подготвува испорака на стотици генератори во Украина

А1он