Компанијата „Ербас“ поседува патент што повеќе наликува на летало од серијата „Ѕвездени патеки“ отколку на редовен патнички авион.
Седиштата за патниците кружно се сместени, заради што уште сега ова летало го доби името „ѓеврек авион“. Геометриската форма на авионот е дизајнирана така што патниците кои ќе седат во предниот и задниот дел да бидат целосно ослободени од стрес. Овој специфилен начин на седење и формата на авионот ќе влијаат да има поголем број патнички седишта.
Сепак, портпаролот на „Ербас“ вели дека овој модел се уште не е во прозводство. „Во нашата компанија се вработени многу умни луѓе кои имаат феноменални идеи. Кој знае, можеби некои од тие идеи ќе ја видат светлината на денот во блиска иднина“.
Некои од тие други оригинални идеи на вработените на „Ербас“ вклучуваат и „стоечки“ седишта, налик на велосипед, како и виртуелни шлемови за забава на патниците.
Меѓутоа, се чини, дека засега „ѓеврек авионот“ е преголем залак.
Како што за „Фајненшл тајмс“ изјави еден аналитичар од Лексинтон институтот, кој патем е финансиран од конкурентската компанија „Боинг“, „тој никогаш порано не слушнал дека некој предложил вакво нешто“.