Две важни прашања се поставуваат при користењето на електричната цигара: Дали пушачите навистина можат да се откажат од цигарите заменувајќи ги со овој вид на е-цигара и дали всушност со ова решение тие само заменуваат една канцерогена материја со друга?
Електричната цигара содржи мешавина од никотин и пропилен гликол и е одличен начин да се ослободите од цигарите. Но, таа го загадува воздухот со никотин и другите хемикалии што ги содржи, а нив многу често производителите не ги пишуваат во декларацијата, пишува „sciencebasedmedicine.org”.
Количината на никотин во секоја ваква цигара е различен, а покрај него пушачот вдишува и други хемикалии како што се пропилен гликол или растителниот глицерол. Можеби тие се подобри отколку токсичните состојки во обичните цигари, но дали е во ред овој вид на уживатели да го загадуваат просторот на непушачите кои воопшто немаат потреба за никотин?
Со користењето на електричните цигари, пушачите се однесуваат како да нема испарувања и дека тоа е сосема нормално, така што останатите околу нив можат слободно да дишат. Затоа и во многу земји на одредени места се забрани употребата на овие цигари, пример во јавните површини на Австралија, Бразил, Канада, Финска, Панама, Израел, Мексико, Сингапур, Њујорк (САД) и Орегон (САД), додека во американскиот град Бостон е забранета само нивната употреба во работните простории. Една од причините е фактот дека никотинот е супстанца која предизвикува силна зависност. Тој веднаш штом ќе достигне до мозокот, за помалку од 10 секунди ја презема контролата.
Пропилен гликол се користи во производството на антифриз и многу козметички производи затоа што се покажа како супстанца која добро ја заддржува влагата. Тој може исто така да ја надразни кожата и да доведе до оштетување на мозокот, црниот дроб и бубрезите, па дури и болести како што се ракот, алергиите и труењето на нервните клетки.
И покрај фактот што производителите тврдат дека дневната доза која се внесува преку e-цигарите е безопасна, сепак некои студии укажуваат на тоа дека е-пушењето доведува до моментални промени во дишните органи, односно предизвикува стрес во респираторниот систем. Долгорочните последици се уште не се истражени.
Одлуката е сепак ваша. Ако сте одлучиле да се откажете од цигарите, направете го тоа веднаш без алтернативни решенија. Телото ќе се исчисти од никотинот во рок од три дена.