Со претставата „Дванаесетта ноќ“ на Националниот театар од Косово вeчер ќе биде отворен шестиот по ред Меѓународен театарски Скупи фестивал. Во рамките на фестивалот, кој ќе трае до 18 ноември, во Македонскиот народен театар ќе бидат прикажани уште седум претстави.
Публиката ќе има можност да ги проследи претставите „Игри позади куќа“ и „Амалиа диши длабоко“ на АКТ Театар од Букурешт, „Животинска фарма“, независна продукција од Тел Авив, „За еден кажан збор“ на Билис Театар од Фиер, Албанија, „Кокошка“ на Драмскиот и куклен театар „Иван Радоев“ од Плевен, Бугарија, „Боженствена комедија 3.0“ на Милитеатар од Хелсинки и „А Плус“ – продукција креирана при „Европска работилница за актери – автори“.
Мотото на годинашниов фестивал е „Помеѓу животот и театарот“. На фестивалот ќе биде доделена една награда, Гран-при за најдобра претстава во целина, за која ќе одлучи жирито во состав – Ана Багриана, Салаетин Билал и Емил Рубен.
