Отфрлена е жалбата против пејачката Северина Вучковиќ за наводниот напад на нејзината сестра Маријана Вучковиќ Поповиќ што се случи лани во август во станот на нивната мајка Ана Вучковиќ. Адвокатката на Северина, Јасминка Билош преку писмо потврди дека пријавата е одбиена.
– Северина Вучковиќ од Општинското државно правобранителство во Сплит доби известување дека на 5 јуни 2023 година кривичната пријава против неа, поднесена од нејзината сестра Маријана Поповиќ во август 2022 година, е отфрлена – рече Билош.
„Кривичната пријава против Северина Вучковиќ за телесна повреда е отфрлена со решение на Општинското државно правобранителство од 5.6.2023 година, „бидејќи по завршувањето на истрагата не е утврдено основано сомнение дека Северина Вучковиќ го сторила пријавеното кривично дело“, се вели во соопштението.
Да потсетиме, загрепската полиција на крајот на август минатата година ја уапси пејачката Северина Вучковиќ откако добила барање од колегите во Сплит за нејзино апсење, а причина за се била расправија во станот на мајката на познатата пејачка.
Според изјавата на сестрата на Маријана, која ја дала во сплитската полиција, пејачката и нејзината сестра наводно се бореле и си удирале шамари, по што пејачката си заминала, а нејзината сестра завршила во болница.
Но, според друга верзија, сестрата на Северина, Маријана, лажно ја пријавила пејачката за нанесување телесни повреди. Имено, според таа верзија, таа дошла во станот во кој живеат мајката и тетката на Северина и таму ја затекнала пејачката, ја нападнала и ја повредила. Северина си заминала, а Маријана почнала да удира по вратите на станарите, плачела и сама се удирала за да се повреди.