Санките се подготвени, подароците се спакувани, а ирвасите се впрегнати во кочиите…Сето ова значи дека Дедо Мраз тргнува на празничниот пат околу светот.
И оваа година можете да му се придружите, следејќи ги на Интернет неговите авантури.
Илјадници радари, сателити и специјализирани камери „Santa Cams“ ќе го следат најпознатиот дедо на светот кој наскоро тргнува во мисија на делење на празничните подароци.
Воздушната одбранбена организација Норад го организираше следењето на кочиите на Дедо Мраз во кое може да учествува секој преку специјалниот уредениот сајт „NoradSanta“.
Во соопштението на органзиацијата се наведува дека Дедо Мраз традиционално својата празнична авантура ќе ја почне на Пацификот, за потоа да ги посети Нов Зеланд и Австралија, пренесува „Sky News“. Потоа на ред доаѓаат Јапонија, Азија, Африка, Европа, Северна и ЈУжна Америка.
Целокупното магично патување заинтересираните ќе можат да го следат и преку видео снимки.