Според неодамнешната анкета која ја спроведе компанијата „Компид“ (Compeed), Британките се жени кои носат највисоки потпетици во Европа.
Просечната должина на потпетиците кои ги носат Британките изнесува дури 8,5 сантиметри.
„Истражувањето покажа дека се повеќе жени се сметаат посамоуверени, побогати, поспособни, поуспешни, понезависни. Британките се многу амбициозни и ако носењето високи потпетици значи дека можеби ќе напредуваат во работата – тоа ќе го стори баш секоја“, изјави психологот Ема Кени за „Дејли експрес“.
На второ место по највисоки потпетици во Европа се Шпанките, со просечна висина од 8,1 сантиметар, по што следат Данките со 7,4, на четврто место се Германците со 6,9, а на петто Французинките со 6,1 сантиметар.