Повеќепати досега сме биле сведоци на видео записи на кои луѓето го снимаат својот живот, но потфатот што го направил Американецот Џеј. Кеј. Келер е незабележан досега.
Имено, Келер цели 16 години секојдневно го фотографирал својот лик, односно како што сега популарно се вели правел „селфи“ фотографии.
Тој со овој „проект“ започнал во 1998 година кога не постоеја смартфони и кога телефонските камери не беа дел од секојдневицата.
На крајот сите овие фотографии Келер ги споил во едно видео кое го нарекол „Идиот 16 години го снимал своето лице, и покрај подобри, подолги и попопуларни проекти“.
Ова видео објавено над Јутјуб веќе има над еден милион прегледи.