СВР Битола поднесе кривична пријава против К.Р. (21) од Скопје, управител на ТДПТУ „Примакс“ ДОО Скопје и против тоа правно лице поради постоење основи на сомнение за сторено кривично дело „злоупотреба на лични податоци“.
Пријавените, врз основа на приемница за откуп на живо јагне на Примакс ДОО, издадена на име на Т.М.(51) од Битола, спротивно на одредбите од Законот за лични податоци, без согласност на Т.М., ги искористиле неговите лични податоци и пријавиле дека остварил приход од 100.000 денари од продажба на јагне кај „Примакс“. Т.М. не се занимавал со ваква дејност и е иселен во Америка.
Регионалната дирекција на Управата за јавни приходи во Битола донела решение за службена регистрација на даночен обрзник и оданочување на остварени приходи, а приходот од земјоделска дејност го остварило друго лице со истите лични податоци – Т.М. (66) од Прилеп.