Зоран Јовановски, кој беше еден од кандидатите за претседател на СДСМ, го напушта СДСМ и иделогијата за социјалдемократските вредности ќе ја води индивидуално.
На само еден ден по завршувањето на Конгресот на партијата, поразениот Јовановски вели дека делегатите имале можност да изберат помеѓу комплетно нов и поинаква програма, но тие избрале друг концепт.
– Бидејќи јас верувам дека единството се гради преку концепт, отсега индивидуално ќе дејствувам – вели Јовановски.
Инаку, новиот претседател на СДСМ Зоран Заев, вчера по завршувањето на Конгресот и прогласување на победата, рече дека не победил ниту еден од кандидатите за претседател, туку победил СДСМ.
– Противкандидатите треба да добијат врвни позиции во партијата и јас сметам на нив како и сите поддржувачи – изјави Заев.