ЗНАМ: Филков е симбол на тоа каков треба да биде еден јавен функционер

Од:

СДСМ, партијата која ја претвори државата во партиска играчка и го урниса правосудството на најниско ниво, последна има право да зборува за етика, интегритет и судир на интереси. Наместо да одговараат за своите афери и за годините на корупција, тие денес држат лажни морални лекции за министерот за правда Игор Филков. Ова е очаен обид на политички банкротирана партија која измислува „скандали“ таму каде што ги нема. Да го наречеш академскиот развој и вложувањето во знаење – „злоупотреба“, е исто толку апсурдно колку што беше нивното владеење кое ја остави Македонија без правда и без доверба во институциите, велат од Движењето ЗНАМ за Наша Македонија.

Во партиската реакција се вели:

Да бидеме јасни: магистерскиот труд на министерот Филков не претставува судир на интереси, туку е доказ за посветеност, за професионализам и за волја да се надградува знаењето во сферата во која што дава најголем придонес и во која делува.

СДСМ зборува за „кражба на труд“, а токму тие со години ги крадеа институциите и иднината на повеќе генерации. Тие зборуваат за „етика“, а токму нивните министри беа симбол на корупција, непотизам и непрофесионалност. Токму за нивните професорски кадри се множеа кривични пријави, а за некои немаме ни разрешница. Тие зборуваат за „интегритет“, а целиот народ гледаше како со години ја злоупотребуваа државата за лични и партиски интереси.

Движење ЗНАМ за Наша Македонија стои цврсто зад министерот Игор Филков. Филков е симбол на тоа каков треба да биде еден јавен функционер – образован, професионален и подготвен да ја користи науката за доброто на државата. Она што СДСМ го нарекува „скандал“ е всушност пример кој треба да се следи. Граѓаните одамна ја препознаа ароганцијата и лицемерието на СДСМ. Ние, како Движење ЗНАМ за Наша Македонија, се залагаме за знаење како темел на секоја реформа, за интегритет како услов за вистинска правда и за работа во интерес на сите граѓани на Македонија.

Би можело да ве интересира

Лабудовиќ: Во Центар владее хаос – урбанистички, сообраќаен, комунален, еколошки

А1он

ЗНАМ: Имаме јасна визија и ќе покажеме како чесно и одговорно се управува со општините во Македонија

А1он

Димитриевски: Убеден сум дека ЗНАМ ќе победи уште во првиот круг на овие избори

ЗНАМ: Апасиев, „револуционер“ на фејсбук статуси, а во реалност евтин шибицар, денес држи лекции за правда

АВМУ и ДИК измислуваат и нов вонзаконски термин “поддржувач” за да може ВМРО-ДПМНЕ да им ги плаќа рекламите на ТВ на Максо, реагира Апасиев

Лабудовиќ: Со добра организација и добар тим за четири години Центар ќе биде подобро место за живеење