ЖИВО: Предавање на Заев во Љубљана

Од:

Во Љубљана денеска со почеток во 16 часот, претседателот на СДСМ, Зоран Заев, ќе одржи предавање со наслов „За вистината на Македонија“.

Предавањето ќе биде дел од образовниот циклус на тема „Западен Балкан и ЕУ“, кој го организира Меѓународниот институт за блискоисточни и балкански студии (IFIMES Institute), кој се наоѓа во главниот град на Словенија.

Институтот се занимава со анализи на меѓупартиските односи со цел да ја промовира важноста на политичкиот компромис и довербата во мерките за регионално или глобално разрешување на конфликти. Активностите на институтот се насочени кон меѓународната политика и економија, меѓународните односи и советување на државните институции, како и не-државните актери.

Институтот го најавува Зоран Заев како политичар кој припаѓа на новата генерација политичари, чии цели се да овозможи благосостојба за граѓаните на Македонија, и да ја зголеми транспарентноста и општата граѓанска слобода.

„Актуелната влада не успева да ги загарантира овие основни општествени права, додека истовремено е обвинета за нелегално прислушкување на повеќе од 20.000 граѓани во период од неколку години. Заедно со СДСМ и останатите опозициски партии, Зоран Заев го објави проектот „За вистината на Македонија“, по кој следеа голем број на протести на граѓани, независно од нивната етничка позадина“, стои во поканата на Меѓународниот институт за блискоисточни и балкански студии.

Претседателот на СДСМ, Зоран Заев, на денешното предавање ќе зборува за актуелната ситуација во Македонија, патот кон членството во ЕУ и НАТО, како и регионалната соработка.

Предавањето ќе биде одржано на македонски јазик. Истовремено, ќе биде преведувано на англиски и словенечки јазик. По предавањето ќе следува дискусија со Зоран Заев, во која ќе се вклучат и претседателите на институтот, Зијад Бечирович и Бакхатјар Аљаф.

Предавањето може да се следи во живо на овој линк.

Би можело да ве интересира

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер

(ВИДЕО) Поповиќ: Мицкоски е во паника за Алта банка – по моделот на Вучиќ сака да ја замолчи опозицијата