Жител на Гостивар обвинет за тешки дела против општата сигурност – со воздушна пушка пукал во другар

Од:

Јавен обвинител од Основното јавно обвинителство Гостивар поднесе Обвинителен предлог против 21-годишен гостиварец за кривично дело – Тешки дела против општата сигурност според член 292 став 3 во врска со член 288 став 4 во врска со став 1 од Кривичниот законик.

– На 1 мај 2020 година, обвинетиот со испукување дијабола од воздушна пушка предизвикал значителна опасност за животот и телото на еден оштетен. Обвинетиот, оштетениот и уште четворица другари биле во викенд куќа во селото Сретково, па во еден момент обвинетиот од гаражата извадил воздушна пушка и започнал да нишани кон својот пријател. Оштетениот реагирал со барање да не го прави тоа, но обвинетиот сепак нанишанил и испукал една дијабола кон оштетениот, погодувајќи го во слабината од десната страна и нанесувајќи му тешки телесни повреди, соопштија од ОЈО.

Од ОЈО додадоа дека, иако бил свесен дека со стореното може да настапи штетната последица, обвинетиот лекомислено сметал дека ќе може да ја спречи или дека таквата последица нема да настапи, со што го сторил наведеното кривично дело.​​

Би можело да ве интересира

Прегазен велосипедист во Скопје, починал на местото на несреќата

Поднесено обвинение за гостиварец кој при семејно насилство телесно ја повредил сопругата

Ана Ололовска

По два дена најден е Јосиф, мајката раскажа: Бил заведен од секта, родителите да бидат внимателни

Кристијан Ландов

Кумановец измамен за 1.000 евра

Ловџија го застрелал својот пријател додека биле на лов кај Матејче

А1он

Објавувале лажни закани за терористички напад на трговски центар во Скопје, тројца приведени