Жена е повредена во сообраќајна несреќа што се случила на регионалниот пат во село Крупиште, Пробиштип. Според полицијата, вчера во 10:20 часот било пријавено дека В.П.(46) од село Стрмош, Пробиштипско, управувајќи патничко возило „фолксваген голф“ со штипски регистарски ознаки, изгубил контрола, излетал од коловозот и се превртел.
Притоа, со тешки телесни повреди се здобила сопатничката Д.П.(69) од село Стрмош, а ѝ била укажана лекарска помош во Клиничката болница во Штип. Увид на местото на настанот извршила увидна екипа од СВР Штип.