Жена се здобила со повреда во пределот на главата од заталкан куршум во дворот од семејната куќа во струшко Лабуништа, соопшти МВР.
– Синоќа во 22:30 часот во с.Лабуништа-Струга во дворот од семејната куќа С.А., откако слушнала звук, најверојатно од истрел од огнено оружје, се пожалила на болка во главата бидејќи нешто силно ја удрило. Кога се допрела забележала крв, а кога станала од столот на кој што седела, од нејзе паднал и проектилот со кој што била погодена, се наведува во соопштението.
На жената и е укажана лекарска помош во МЦ-Струга, каде се констатирани телесни повреди, по што е пуштена на домашно лекување.
Увид на самото место извршила екипа од ПС-НККР-Струга.
