Зголемена раздвиженост на граничниот премин Богородица

Од:

Продолжениот викенд, за прв пат од почетокот на пандемијата, ја зголеми сообраќајната раздвиженост на граничниот премин Богородица, што беше забележливо уште во текот на вчерашниот ден, потврдија утрово од дежурната гранична служба.

– Од отворањето на граничниот премин Евзони, на грчка страна, изминативе седум дена преку Богородица на дневно ниво транзитирале во просек по 1300 до 1400 патници на излез и влез во земјава, а само вчера тој број е зголемен за две илјади патници повеќе, што значи дека во двата правци низ ГП Богородица транзитирале 3500 патници од кои 2020 македонски и 1480 странски, меѓу кои најбројни биле државјаните на Србија, соопштија од дежурната гранична служба.

И денеска од утринските часови состојбата на ГП Богородица е непроменета. Интензитетот на преминување на границата е ист без поголема сообраќајна гужва поради разреденото пристигнување на возилата.

Според новиот протокол за влез во Грција, на македонските граѓани им е потребен вакцинален картон со поминати најмалку 14 дена од примена втора доза од вакцината, негативен ПЦР тест не постар од 72 часа, пополнет ПЛФ образец 24 часа пред тргнување на пат и дека пред четири дена грчките гранични служби почнаа да ги признаваат антигените тестови и потврдите за прележана болест.

Би можело да ве интересира

Во близина на граничниот премин Богородица пронајдени пет мигранти од Сирија

А1он

На Табановце, Блаце и Богородица се чека околу 30 минути

А1он

Граничниот премин „Богородица“ отворен за сообраќај

Мери Јордановска

Поради пожар затворен граничниот премин „Богородица“

Мери Јордановска

На Богородица за излез од земјава се чека 40 минути

Катерина Павлова-Николовска

Гужви на Богородица, Табановце и на Ќафасан, за излез се чека од половина до еден час