Зголемен е водостојот на река Брегалница во штипскиот регион. Жителите на старата штипска населба Ново село се загрижени поради зголемениот водостој на реката и стравуваат да не им се случат поплавите од пред еден месец. Општината заедно со екипите на јавните претпријатија ја следат состојбата со водостојот на реката Брегалница.
– Нема евидентирано штети, освен излевање на реката на одредени локации, се надеваме дека врнежите нема да бидат толку обилни врнежи од дожд, изјави портпаролот на Општина Штип, Драган Ристов.
Директорот на ЈП „Исар“, Никола Мицевски вели дека во моментов се поплавени бунарите на локалитетот АРМ, но останатите бунари на локалитетите Штипско езеро и Фортуна не се поплавени со што водоснадувањето на градот Штип се одвива без проблеми. Мицевски вели дека го следат зголемувањето на водостојот на реката Брегалница.