Сообраќајот на државните патишта се одвива по суви коловози и со зголемен интензитет на патните правци надвор од градските средини.
Како што соопшти АМСМ, регионалниот пат Трпејца – Царина низ национален парк Галичица, од денеска е оспособен за сообраќај за сите видови моторни возила со вкупна тежина до 3.5 тони.
Од АМСМ информираат дека од 24 април автопатот Демир Капија – Смоквица е целосно оспособен за одвивање на сообраќај. За негово користиње во правец Скопје – Гевгелија, на клучката пред Демир Капија потребно е да се исклучи за Скопје, да се спушти под надвозникот и да се продолжи само право следејќи ја таблата Гевгелија.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
На граничните премини нема подолги задржувања за влез и за излез од државата. Оваа информација се однесува само за македонската страна на премините.