Центарот за управување со кризи денеска ќе го претстави завршниот дел од обуката за спречување шумски пожари, во рамки на проектот „Интегриран систем за превенција и рано предупредување на шумски пожари“ кој успешно го спроведуваше со Јапонската агенција за меѓународна соработка.
Проектот резултираше со воспоставување Македонски информациски систем за шумски пожари (МКФФИС), а со цел да се споделат позитивните искуства и резултатите од оперативноста на МКФФИС беше развиена Програма за обука на трети земји.
– Оваа Програма има за цел зајакнување на регионалните капацитети за намалување на ризиците од шумски пожари. Втората и последна обука на техничко ниво почна на 6 март и ќе трае до денеска, со присуство на претставници од Албанија, Босна и Херцеговина, Косово, Србија и од Црна Гора, информира Центарот за управување со кризи.