Заврши првата фаза од реконструкцијата на „Пластичарска“

Од:

Со нанесување на завршниот асфалтен слој, викендов, екипите на Град Скопје ја финализираа првата фаза од проширувањето и реконструкцијата на булеварот „Никола Карев“, односно познатата „Пластичарска улица“, со што Скопје добива уште една современа сообраќајница која има четири сообраќајни ленти, велосипедска и пешачка патека и средишно зеленило, соопштија градските власти.

– Изминатиов период интензивно, со засилено темпо и ноќно работење се реконструираше и прошири овој булевар којшто е еден од најважните сообраќајници во Скопје бидејќи поврзува 4 општини – Гази Баба, Чаир, Центар и Карпош. Затоа, оваа реконструкцијата е посебно значајна и од особен интерес за граѓаните кои во голем број секојдневно се движат и поминуваат во овој фреквентен дел од градот, се додава во соопштението.

Градежните работи викендов се изведуваа на потегот од крстосницата со ул. „Самоилова“ во близина на Амбасадата на САД, до влезот во касарната „Илинден“, а со реконструкцијата на улицата од клучката Бит-пазар во вкупна должина од 1.440 метри, Скопје доби уште едно ново булеварско решение.

– На улицата досега беше изведена комплетно нова атмосферска канализација која не постоеше, а се изврши и целосна реконструкција и на другите подземни инсталации. Во тек е проектирањето на втората фаза која ќе опфати градежни активности на потегот од влезот во касарната „Илинден“ до спојувањето со булеварот „Словенија“, како и изградба на голема клучка кај Тетовска трошарина, се додава во соопштението на Град Скопје.

Би можело да ве интересира

Во Скопје седуммина починати и 272 новозаразени, Аеродром и Карпош со најмногу активни случаи

Жарко Настоски

Во Скопје 227 нови случаи на Ковид-19, Аеродром и Центар со најмногу заразени во моментов

Жарко Настоски

ВИДЕО: Жена краде огромна саксија пред кафe бар во Дебар Маало

Жарко Настоски

Во Скопје седуммина починати и 90 новозаразени, Аеродром со 534 активни случаи

Жарко Настоски

Дел од центарот на Скопје утре ќе биде без вода

Жарко Настоски

Пукна цевка кај „Расадник“, попладнево без вода дел од населбата „11 октомври“

Жарко Настоски