Собраниската Комисијата за финанирање и буџет го заврши општиот претрес по предложениот ребаланс на Буџетот за 2015-та, кој го почна на денешната седница.
Предложениот ребаланс го образложи вицепремиерот и министер за финансии Зоран Ставрески.
Спорд предлогот, вкупните расходи се проектирани на 188.981.000.000 денари, приходите се предвидени на 166.842.000.000 денари, додека дефицитот е планиран на 3,6 проценти од БДП. Растот на македонската економија е позициониран на 3,5 проценти и е за половина процент понизок од првично планираниот со Буџетот за 2015 година.
Министерот Ставрески рече де остварувањето на Буџетот во првите шест месеци од годината е подобро од очекуваното и дека се прибрани повисоки приходи од планираните кои со ребалансот ќе се преточат во политики, мерки, активности проекти кои се нејавени.
Кратење нема да има на ниту еден буџетски корисник, туку ќе има интензивирање на одрдени проекти кои се приоритетни, како што се гасификацијата, изградба на водоводи и канализации, училишта и слично. Обезбедени се средства и за социјална заштита, односно за предвидените зголемувања на социјалната помош, пензиите, стипендии и слично.
Во расправата поддршка за предложениот ребаланс дадоа пратениците од мнозинството, додека ДПА упати забелешки дека се прави нееднаква распределба по етничка основа.
Лилјана Кузманоска од ВМРО-ДПМНЕ истакна дека ребалансот значи зголемување и интензивирање на проектите каде е започната активност.