Контрапротестот организиран од ГДОМ пред Собранието предмалку заврши. На контрапротестот насловен „Народот се буди“ со стотици автобуси беа носени граѓани од целата држава.
Контрадемонстрантите пред Собранието бараа да се повлече одлуката за аболиција на Зоран Заев и Зоран Верушевски, одлука која ја донесе Ѓорге Иванов кога аболицираше поранешни и актуелни политичари. Тие исто така бараат изборите да се одржат на 5 јуни.
Според организаторите на контрапротестот, демонстрантите од „Протестирам“, кои веќе две недели протестираат против одлуката на Иванов, ги уништувале убавите споменици, по што, тие побараа да се оддаде почит кон портата Македонија.
Додека ГДОМ со граѓани од целата Македонија протестираше пред Собранието, на протести против аболицијата на Иванов излегоа илјадници скопјани, а протести се одржуваа и во повеќе градови во Македонија.