Полициски службеници од СВР Куманово извршиле контрола во чајџилница, при што е констатирано дека објектот работел надвор од дозволеното време и во него биле затекнати 20 лица, информира Министерството за внатрешни работи.
– На 06.03.2021 во 22.30 часот од полициски службеници од СВР Куманово е извршена контрола во чајџилница на ул.Карл Маркс во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време и во него биле затекнати околу 20 лица, велат од МВР.
Објектот од страна на Државен пазарен инспекторат е затворен.
– По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“, се додава во соопштението на МВР.
