Полициски службеници од СВР Скопје во координација Државен пазарен инспекторат синоќа околу 23.10 часот извршиле контрола во угостителски објект во трговски центар на булеварот „Јане Сандански“ во општина Аеродром, при што утврдиле дека во затворениот дел од објектот има девет лица, меѓу кои и двајца вработени во МВР кои одбивале да се легитимираат.
– Станува збор за Б.Д.(48) и З.Ц.(49), двајцата од Скопје. Тие и останатите седум лица биле лишени од слобода и приведени во полициска станица и по целосно документирање на случајот против нив ќе биде поднесен соодветен поднесок по член 206 од Кривичниот законик, соопшти МВР.
За настанот бил запознат Одделот за внатрешна контрола при МВР. Објектот бил затворен од Државниот пазарен инспекторат.