За да се спречи внесување цврст отпад во Охридското Езеро, Општина Охрид почна со поставување заштитни брани со мрежа на реките од езерското сливно подрачје.
Таква брана денеска е поставена на реката Сушица, а во текот на наредниот период заштитни мрежи ќе бидат поставени и на останатите речни корита.
Работните активности за поставување на браните ги изведуваат екипи на ЈП „Градски гробишта”, а средствата се обезбедени од општинскиот буџет.