Засадени 16 јавори пред Македонска пошта, Шилегов најави 10.000 дрвја годинава во Скопје

Од:

Во рамки на пролетната акција на Град Скопје за зазеленување на јавните површини, денеска пред објектот на Македонска пошта на булеварот ВМРО, беа засадени шеснаесет јавори.

Со акцијата, како што информираат од Град Скопје, е планирано да се засадат повеќе од 2.000 садници.

Градоначалникот Шилегов, на денешната акција, посочи дека по завршување на пролетната акција, наесен ќе бидат засадени нови 8.000 дрвја, со што Скопје оваа година ќе добие повеќе од 10.000 нови висококвалитетни садници.

– Земавме обврска пред граѓаните да го вратиме загубеното зеленило што претходната власт го уништуваше каде ќе стигне, додека ние се бориме за секој сантиметар слободен простор за ново зеленило. На оваа локација ќе се засадат 16 висококвалитетни јаворови садници, што ќе бидат наводнувани со систем капка по капка. Овој дрворед ќе биде опремен дополнително со 16 подни тротоарски дренажни решетки, изјави Шилегов.

Посочи дека, во 2013 година според истражувањето на состојбата на зеленилото во Мал ринг, зеленилото во овој дел од Скопје било намалено за 50 процени како резултат на градењето врз зелени површини во рамките на проектот „Скопје 2014“.

Шилегов потсети дека дрвјата што ќе ги засадува Град Скопје наскоро ќе ги добијат имињата на новородените деца во градот, како дел од проектот „Дрво за секое дете“ и дека градската администрација ќе продолжи со обновување на загубеното зеленило во сите општини во градот.

Би можело да ве интересира

Ѓорѓиевски: Да живее слободно Скопје

Левица: Извештајот на Европската комисија забележува дека ДПМНЕ подготвува европска престолнина на културата по вмровски рецепт за партиска контрола и нетранспарентно трошење

(ВИДЕО) Полицијата го казни возачот кој со автомобил возеше по велосипедска патека во Скопје

А1он

Тројца скопјани и струмичанец крадеа и убија две жртви во Ѓорче Петров

Горан Наумовски

Ѓорѓиевски: Кобилата и ждребето родено на улица во главниот град згрижени во ЗОО, МЗШВ и АХВ да постапат

Предраг Петровиќ

Бела ноќ повторно во Скопје

Предраг Петровиќ