Со манифестацијата „Дојран гурман фест“ де неска официјално започнува Дојранско лето 2013, прва од многуте што годинава ќе ги организира Туристичкото биро со поддршка од општината.
Како што информира Туристичкото биро, настанот ќе се одржи во паркот во Нов Дојран и ќе биде фестивал на традиционална храна од дојранското поднебје, а ќе биде подготвена од вештите раце на жените од повеќе здруженија на жени од градот.
Манифестацијата ќе има и културно-забавен дел со изведба на мини хумористична тетарска претстава, со настап на КУД „Ѓорги Абаџиев“ и концерт на македонската поп ѕвезда АлександарТарабунов.
Се надевам дека дојранските културни збиднувања ќе продолжат да не оставаат без здив. Општина Дојран традиционално и со голема гордост ќе ги организира ваквите настани бидејќи преку нив со години успешно гради мостови кон соседите, постојано и одново докажувајќи дека грижата за уметничките вредности и традицијата се од големо значење за општината, истакна градоначалникот на Дојран, Борче Стамов.