Започна изградбата на третата фаза од фекалниот колектор во Инџиково

Од:

Градоначалниците на Град Скопје и на Општина Гази Баба, Коце Трајановски и Тони Трајковски го означија почетокот на изградбата на третата фаза од фекалниот колектор во населеното место Инџиково, општина Гази Баба.

dobivaj vesti na viber

Фекалниот колектор ќе се изведе од полиетиленски цевки со профил 800 мм, а во должина од 679 метри. Трасата на колекторот е покрај автопатот „Александар Македонски“, од стадионот „Борис Трајковски“ па се до фекалната препумпна станица „Маџари“.

– Со овој зафат практично ќе се реши проблемот на фекалната канализација на населеното место Тумба Маџари каде што досега воопшто немало канализација. Оваа населба не била досега во урбанистичките планови, но во соработка со Општината и ЈП „Водовод“ успеавме по толку години да им обезбедиме фекална канализација, истакна градоначалникот Трајановски.

Она што е значајно, потенцира градоначалникот, по завршување на фекалниот колектор нема да има потреба од пумпите кои се наоѓаат во пумпната станица на водовод во населбата Ченто.

– Досега сите фекални води доаѓаа до оваа препумпна станица и со неколку пумпи се препумпуваше во друг колектор којшто одеше преку населбата Маџари до Вардар, додаде Трајановски.

Инвеститор на овој проект е ЈП „Водовод и канализација“, а неговата инвестиција изнесува околу 12 милиони денари. Во зависност од временските услови градежните активности се планира да завршат за 20 до 30 дена.

Би можело да ве интересира

ЈП „Градски паркинг“: Не е во функција наплаќањето преку СМС порака

А1он

Советниците од опозицијата ја прекинаа седницата на град Скопје и порачаа – НЕ за бугаризација

Тројца осомничени за злоупотреби и фалсификувања при регистрација на автомобили во Скопје

А1он

Силниот дожд урна потпорен ѕид во скопска Пинтија

Катерина Павлова-Николовска

ВИДЕО: Силно невреме во делови од земјава, во Тетово поплавени улици

Катерина Павлова-Николовска

Утре во Скопје посебен сообраќаен режим поради посетата на Ана Брнабиќ