Денеска започна акција за чистење и уредување на просторот во Комплексот клиники “Мајка Тереза” во Скопје.
На почетокот на акција за чистење и уредување на просторот во Комплексот клиники “Мајка Тереза” присуствуваа градоначалникот на Град Скопје, Коце Трајановски, заменик министерот за здравство, Јовица Андонов, како и директорите на јавните претпријатија “Паркови и зеленило”, ”Комунална хигиена” и ”Градски паркинг”, Душан Авировиќ, Ракип Дочи и Борче Јакимовски.
Во оваа голема акција се вклучат јавните претпријатија на Градот Скопје кои во наредниот период со луѓе и механизација ќе работат во Комплексот клиники “Мајка Тереза”.
Екипите на јавното претпријатие “Комунална хигиена” ќе се вклучат во акцијата со луѓе и механизација и ќе работат на чистење на просторот, метење и миење на улиците и собирање на останатиот комунален отпад.
Екипите на јавното претпријатие “Паркови и зеленило” ќе работат на уредување на зелените површини, ќе изврши кроење на крошните на дрвјата и отстранување на исушени гранки.
Екипите на ”Градски паркинг” ќе се вклучат во акцијата со пајак службата и ќе работат на расчистување на просторот.
Во оваа акција ќе бидат вклучени механизација, опрема и повеќе од 130 вработени во јавните претпријатија на Град Скопје.
Иако за одржувањето на овој простор е надлежен самиот Клинички центар, Градот Скопје како и многу пати до сега, ќе продолжи да спроведува вакви акции излегувајќи им во пресрет на граѓаните, и на оваа институција за која е од витално значење хигиената и уреденоста на просторот.
За потсетување, Градот Скопје во месец март оваа година веќе спроведе една ваква акција за чистење и уредување на во Комплексот клиники “Мајка Тереза“.