Град Скопје ги замени старите и оштетени прозорци во средното училиште „8 Септември“. Заменети се прозорците на вториот кат, на северната страна на објектот.
– Со поставувањето на новите прозорци, во текот на грејната сезона ќе нема потреба да се користат дополнителни грејни тела за да можат учениците непречено да ја следат наставата, информира Град Скопје.
Во средното училиште „8 Септември“ изминатите години се заменети прозорците на првиот кат и извршена е целосна реконструкција на старите азбесно–цементни покриви на училишниот објект и на спортската сала. Старите и оштетени азбесни табли се заменети со ребреста ламарина.