Едно лице почина по повреда во сообраќајна незгода што синоќа се случила во Вевчани.
Како што информира портпаролот на СВР Охрид Стефан Димоски, несреќата се случила синоќа во 22 часот и 45 минути во центарот на Вевчани, каде Ѓ.П. роден 1990 година со моторцикл марка „Арора“ удрил во пешакот Н.П роден 1962 година, двајцата од Вевчани.
– Моторциклистот не се придржувал на страната и правецот на движење возел со не прилагодена брзина кон условите на патот. Тој удрил во пешакот кој се движел по улицата и му нанел тешки телесни повреди во пределот на главата фрактура на черепот што предизвилано крварење во мозокот, изјави Димоски.
Повредениот веднаш бил пренесен во Струшката општа болница каде му е пружена лекарска помош, а потоа пренесен во болницата „Св. Еразмо во Охрид“, каде утрово им подлегнал на повредите.