Инцидент со трагичен исход се случи синоќа околу 1 часот по полноќ, кога на улицата „Алија Авдовиќ“ во Скопје, автомобил удрил во 79-годишен пешак со иницијали А.А, по што возачот го напуштил местото на незгодата.
Пешакот бил пренесен во Комплексот клиники „Мајка Тереза“, каде им подлегнал на повредите, информира МВР.
Извршен бил увид од Јавен обвинител и увидна екипа од СВР Скопје. Се работи на расчистување на случајот.