Ристо Н. од струмичкото село Сушица го загуби животот во сообрќајката што се случи на магистралниот пат Ново Село – Струмица, пред ДПТУ АД „Локус“.
Како што соопшти полицијата, незгодата настанала вчера напладне при судир на товарно моторно возило „МАН“ со струмички регистерски ознаки, сопственост на „Агро-Трендо“ ДПТУ ДООЕЛ, кое го управувал К.Т.(1981) од село Иловица и моторцикл „Јамаха“ без регистарски таблички што го возел Ристо Н. Од здобиените повреди, Ристо починал на самото место.
Увид извршиле истражен судија, Јавно обвинителство и екипа на СВР Струмица.