20-годишно момче го загуби животот во тешка сообраќајна несреќа што се случи попладнево на раскрасницата кај новата автобуска станица во Струмица, објави vis.mk.
Момчето кое управувало мотор марка Сузуки се движело по булеварот Климент Охридски во правец од кај силосите на Жито Струмица кон Радовиш, при што од засега непознати причини удрило во задната страна на автобус на Струмица Експрес, кој во тој момент се враќал од Скопје и сакал да влезе во кругот на автобуската станица.
Екипи на СВР Струмица, истражен судија и јавен обвинител се на местото на настанот, каде вршат увид. Причините ќе се знаат по собирањето на сите докази од несреќата во која матурантот од Струмица го загуби животот, објави vis.mk.
