Зоран Заев, градоначалник на Струмица и потпретседател на СДСМ одговара на денеска изнесеното од ВМРО-ДПМНЕ.
„Македонската пералница на мозоци ВМРО-ДПМНЕ уште еднаш, по којзнае кој пат, се обидува на гнасен и приземен начин да го дефокусира вниманието на јавноста од своите фашизоидни потези со кои ја држи во залог цела држава и сите нејзини граѓани.После секоја афера, политички неуспех, криминално однесување или убиство, нешта кои се карактеристики на досегашниот тоталитаризам на владејачката гарнитура, машинеријата на ДПМНЕ повторно од својата мрачна фиока вади уште помрачна конструкција“, вели Заев.
Тепањето пратеници во македонското собрание и газењето на народот надвор од него,вели Зев, властодршците вешто сакаат да го сокријат под тепих со тотално извртување на кажаното во еден телефонски разговор.
„Јас како Градоначалник и Потпретседател на СДСМ потврдив дека кажаното во телефонскиот разговор се мои зборови, а тоа што некој од ДПМНЕ покажува елементарно непознавање на сопствениот јазик и граматика останува народот кој ги гледа овие клипови да суди кој е во право а кој не.Кој е подготвен да пука и кој иницира хаос во државата не е тешко да се претпостави. Тоа се тие кои на протестите на опозицијата во Скопје ставија снајперисти на покривот од градската болница и во околните згради. Тоа се тие кои доследно ги спроведуваа наредбите од писмото на Груевски за конечно истребување на опозицијата. Тоа се тие кои тепаа, газеа, влечеа и понижуваа народ и негови човечки души.Што се однесува до организираниот превоз на членови и симпатизери на СДСМ, во ДПМНЕ се однесуваат како да се паднати од Марс. Се разбира дека еден Потпретседател на политичка партија треба да го организира своето членство. Што е тука чудно?И за крај, отворено прашувам: кој стои зад телефонскиот број 076-337-460 од кој е разговарано со мене? Дали овој број му припаѓа на државен функционер од вашата партија? Манџите кои ги подготвувате во вашата валкана кујна имаат за цел да извршат масовно труење на народот. Народот знае како да ви врати за тоа“, вели Зоран Заев.