Заев-Закоњшек: Вложуваме во квалитетен, ефикасен и економичен транспортен систем интегриран во регионот и ЕУ

Од:

Вложувањето во квалитетен, ефикасен и економичен транспортен систем е од исклучително значење за развој на стопанството и за повисок квалитет на животот на граѓаните, констатирале на денешната средба премиерот Зоран Заев и директорот на Секретаријатот на Транспортната заедница на Југоисточна Европа, Матеј Закоњшек.

-Како приоритет особено беше посочена потребата од инвестирањето во патната инфраструктура, пред сè во безбедноста на патиштата, унапредувањето на железничкиот сообраќај, особено во доизградба на пругата кон Бугарија, како и на потребата за олеснување на граничните формалности, при што како позитивен пример беше посочен интегрираниот граничен премин „Табановце“, меѓу нашата земја и Србија, соопшти владината прес-служба.

Соговорниците ја нагласиле потребата од ефикасна вмреженост на транспортните системи со регионот и со Европската Унија.

Директорот Закоњшек на средбата ја изразил подготвеноста на Транспортната заедница за поддршка на Република Северна Македонија во спроведувањето на конкретни проекти, надминување на одредени прашања, како и при усвојувањето на европската легислатива и стандарди во областа на транспортот.

Премиерот Заев, пак, ја истакнал посветеноста на Владата на европската агенда, при што посочи дека владините политики продолжуваат да се развиваат кон поголема регионална и европска интеграција, во таа насока и преку подобро и побрзо поврзување во регионот и со ЕУ.

На средбата, на која присуствуваше и министерот за транспорт и врски Благој Бочварски, биле изразени честитки за изборот на новата Влада, како и за новата енергија во приодот кон унапредување на транспортните прашања.

Би можело да ве интересира

1.3 милиони евра од Владата за обесштетување на граѓаните погодени од невремето лани во Долна Преспа

Жарко Настоски

Учениците ќе се тестираат онлајн ако се влоши епидемиолошката состојба, одлучи Владата

Жарко Настоски

Утврден предлог-законот според кој ќе се исплаќа државна помош за компаниите за исплата на плати

Жарко Настоски

Владата ги соопшти имињата на новите директори на јавни претпријатија и државни агенции

Жарко Настоски

Меѓувладина конференција до крајот на годинава – очекуваат Заев и Мишел

Ана Ололовска

Заев, Димитров и Османи на онлајн средба со Борел: Стартот на преговорите ќе биде позитивен сигнал и до регионот

Ана Ололовска