Во интервју за германскиот весник Франкфуртер алгемајне цајтунг, премиерот Зоран Заев тврди дека Никола Груевски избегал од земјава сокриен во багажникот на автомобил.
-Се симнал со лифт во подрумот, а потоа се сокрил во багажникот на автомобилот со кој бил изнесен од земјата. Во Албанија го чекале со унгарско дипломатско возило, кажа Заев.
На прашањето како е можно осуденик да ја напушти земјата Заев одговори дека тој викендот можел да го помине дома. „Не можевме да го смениме тоа само за Груевски.“, додаде Заев.
Ние го следевме, но според нашите закони, тоа може да го правиме само кога јавно се движи. Не во неговиот дом, објасни Заев.
Ова е прв пат некој да потврди дел од претпоставките како е избеган поранешниот премиер, за чие бегство никој не ја презема одговорноста.