Претседателот на СДСМ, Зоран Заев даде интервју за реномираниот „Фајненшл тајмс“ (Financial Times).
„Објавивме докази кои покажуваат само дел од рекациите на министерот за финансии, Ставрески, за она што се случува во Република Македонија, особено околу трошењето на парите на граѓаните.
Со признанието на министерот за финансии се е јасно. Во јавноста, официјално се зборува едно, затоа што власта има целосна контрола над медиумите. Власта објавува на граѓаните дека нашата економија е трета во светот, дека има раст на БДП, раст на економијата и слично. Но, вистинската ситуација е различнa и ја потврдуваат овие разговори“, рече Заев за „Фајненшл тајмс“.