Заврши првиот дел од конгресот на СДСМ, на кој претседателот на партијата, Зоран Заев, ги соопшти новините, измените и дополнувањето на статутот на партијата со кој, како што рече, се отвораат вратите на СДСМ за сите граѓани.
Заев најави дека се враќаат месните организации, со статутарните измени процентот на учество на младите се зголемува од 20 на 30 проценти, а на жените од 30 на 40 проценти.
Заев најави и поинакво организирање и дејствување на општинските организации како и воведување на функцијата заменик претседател на СДСМ.
„Сите статутарни промени овозможуваат целосна отвореност на партијата кон граѓаните од сите општествени слоеви и за сите кои можат да придонесат за подобра иднина.
– Повторното актуелизирање на месните организации е со цел да се зајакне партијата во руралните средини, каде што досега покажала слаби резултати“, изјави Зоран Заев.
