Претседателот на Владата на Република Македонија Зоран Заев денеска прими претставници од британската истражувачка компанија „Егзагеника Рисрч“.
На средбата, како што соопшти владината прес-служба, покрај премиерот Заев присуствувал и министерот за земјоделство, шумарство и водостопанство, Љупчо Николовски, како и дел од советниците на премиерот и на Министерството за земјоделство, шумарство и водостопанство.
Гостите од Велика Британија, предводени од основачот на компанијата Рис Воткинс, на премиерот Заев му ја презентирале технологијата „Хидра“, која овозможува пренос на големи количества вода од една до друга земја.
Од „Егзагеника Рисрч“ изразиле интерес да спроведат истражување за потенцијалите на водните ресурси во Македонија и за можностите за нивно комерцијално користење.
Премиерот Заев истакнал дека дека ваквите иницијативи се добредојдени и оти секоја иновација која на земјата ќе и донесе нови работни места е прифатлива.
Заев потенцирал дека Владата е отворена за нови идеи, и дека сака да ги применува искуствата од добрите примери.