Се појавивме во Основното јавно обвинителство за да ја докажеме нашата невиност. Финансиите за изборите се јавно објавени и доставени до Државниот завод за ревизија и можеме да служиме за пример како една политичка партија треба да раководи со финансиите и почитување на законот, рече лидерот на СДСМ, Зоран Заев по распитот во обвинителството на Марко Зврлевски.
Во обвинителството им биле презентирани индиции за злоупотреба на кампањата во 2016 година, а во среда ќе направат увид во доказите.
– Во случајот се сомничиме како организатори на изборната кампања јас, едно лица вработено во администрацијата на СДСМ и правното лице СДСМ, рече Заев.
Лидерот на СДСМ кажа дека секогаш кога СЈО ќе отвори некаков влучај против функционери од актуелната власт, тој е таргет на ОЈО. Не сакаше да даде конкретни информации за што се разговарало бидејќи како што рече се работи за предистражна постапка.
Александар Тодески