Делегација предводена од претседателот на СДСМ, Зоран Заев, денеска имаше средба со спикерот на Горниот дом на британскиот парламент, баронесата Д’Соуза.
Како што соопшти попладнево СДСМ, на средбата присуствувале и потпретседателот на СДСМ, Радмила Шекеринска, британскиот амбасадор во Македонија, Кристофер Ивон и македонскиот амбасадор во Обединетото Кралство, Јован Донев.
Заев ја информирал баронесата Д’Соуза за работата на партијата, за начинот на креирање политики, делувањето како конструктивен фактор во решавањето важни прашања, како и за соработката на СДСМ со сестринските партии во Европа.
Покрај актуелните политички случувања во земјава и регионот, Заев и баронесата Д’Соуза разговарале и за продлабочување на традиционално добрите пријателски врски помеѓу Република Македонија и Обединетото Кралство.
