Претседателот на СДСМ, Зоран Заев, во рамки на редовните контакти со претставници на странски држави во Република Македонија денеска оствари работна средба со амбасадорот на Франција во Македонија, Лоренс Оер.
Амбасадорката Оер го поздрави формирањето на Комисијата за настаните од 24-ти декември и оцени дека со овој чекор се отвора целосна можност за успешна работа на Комисијата.
Воедно, таа ги изрази и своите очекувањата за ефикасност на Комисијата при нејзината работа. Претседателот Заев ги пренесе своите убедувања дека формирањето на оваа Комисија е поттик на евроинтегративниот процес на Македонија и претставува основа за нормализирање на политичкиот дијалог во земјава. Соговорниците го потенцираа значењето за земјава да постигне напредок кон започнувањето на преговорите со ЕУ и кон спроведување на реформите.
Претседателот Заев ја запозна амбасадорката Оер со плановите на новото раководство на СДСМ и политичката насока во која ќе се движи партијата во иднина.
На средбата се разговараше и за повеќе актуелни теми поврзани со економската и политичката состојба во Република Македонија како и за билатералната соработка меѓу Франција и Македонија.