Претседателот на СДСМ, Зоран Заев, во рамки на редовните контакти со претставници на странски држави во Република Македонија оствари работна средба со амбасадорот на Република Албанија, Арбен Чејку.
Како што стои во соопштението, во конструктивниот разговор најголемо внимание беше посветено на зголемување на економската соработка меѓу Албанија и Македонија и можностите опозицијата да влијае на продлабочување на односите и на ова поле.
На средбата се разменети мислења и за билатералната соработка во насока на меѓусебно помагање во однос на евроинтегративните процеси.
Станало збор и за други прашања кои ги третираат односите меѓу Албанија и Македонија, како и за повеќе актуелни теми поврзани со економската и политичката состојба во Република Македонија.
